МАА Состаноци

Состанок на Македонската Алпинистичка Асоцијација

10.05.2009 МАТКА

За време на алпинистичкиот собир на Матка кој се одржа на 9 и 10 Мај 2009 година, се одржа состанок на преставниците на алпинистичките клубови на Македонската алпинистичка асоцијација.

На состанокот беа утврдени неколку генерални правци за работа на асоцијацијата во наредниот период, а беше дефинирана и нова организациска структура на управниот одбор на асоцијацијата.
За членови на УО на МАА избрани се следниве алпинисти:

1. Костантин Циривири
2. Крунослав Аџиевски
3. Борче Манев
4. Антонио Додевски
5. Ристе Калинов
6. Зоран Мајсторски
7. Александар Дончев
8. Бобан Стојанов
9. Мирослав Ристовски

За Претседател на Македонската алпинистичка асоцијација е избран  Костантин Циривири.
Одговорно лице за едукација на кадри и полагање испити ќе биде Антонио Додевски.
Одговорно лице за планирање и организирање на алпинистичките собири ќе биде Зоран Мајсторски.
Одговорно лице за одржување на алпинистичките локалитети ќе биде Бобан Стојанов.
Лице задолжено за маркетинг ќе биде Александар Дончев.
Лице задолжено за администрација ќе биде Ристе Калинов.

Мандатот на работните тела изнесува четири години.

На состанокот беше завземен едногласен став од страна на сите членови на УО дека главен акцент на активностите на МАА и во наредниот период треба да биде ставен на обучување на млади кадри и омасовување на спортот. И покрај тоа што цената на ваквата стратегија за работа е многу висока, бидејки се занемаруваат квалитетните алпинистички искачувања, неопходно е да се продолжи со работа во правец на анимирање и едукација, бидејки без нови и обучени луѓе спортот нема да има никаква перспектива. Ставањето во функција на алпинистичкото училиште на МАА ќе обезбеди некаков баланс помеѓу грижата за новите алпинисти и квалитетните алпинистички искачувања.

Нов момент во организациската структура на асоцијацијата е тимот за маркетиншкото делување, област која во изминатиот период беше целосно запоставена и кое што доведе до значително намалување на популарноста на МАА, оставајки простор за изолирани алпинисти кои делуваат надвор од системот на асоцијацијата, со просечни по квалитет искачувања, да се наметнуваат во јавноста како промотори на врвните алпинистички достигања. Тоа е лошо пред се за целокупната алпинистичка клима во земјава, посебно за почетниците во алпинизмот, а не само за асоцијацијата. Се надеваме дека со спроведување на добра стратегија за објективно информирање и едуцирање за стандардите на квалитетниот алпинизам, во иднина пропустите ќе бидат поправени, за општо добро.

На состанокот се дискутираше и околу распоредот и организирањето на алпинистичките собири во наредниот период. Договорено е првиот нареден собир да се одржи во деновите од празничниот викенд 23 - 25 Мај на алпинистичкиот локалитет Остра Карпа крај Прилеп, и за време на истиот да се направи план и распоред за алпинистичките табори во наредниот тримесечен период.

Тема на дискусија беше и организирање акции надвор од нашата земја, при што е договорено да се организираат две алпинистички акции, по една за напредни алпинисти и една за алпинисти почетници.

Акцијата за почетнците, доколку биде се во ред со финансиската конструкција, планирана е да се реализира во две етапи во Маљовица и Јулиските Алпи.

Акцијата за напредните алпинисти би се одвивала во Централните Алпи, при што акцент ќе биде ставен на искачувањата на сува карпа. Како цели за оваа категорија алпинисти во оптек се Petit Dru и Piz Badile, како и некои локалитети во Доломитите. Дефинитивниот распоред на активностите кои се предвидени за ова лето ќе биде донесен во текот на месец Јуни, кога ќе има подобри согледувања за нивото на подготвеност на алпинистите, како и информации за заокружување на финансиската конструкција на акцијата.
Во врска со уредувањето на алпинистичките локалитети, беше донесен заклучок да се работи паралелно на четири локалитети и тоа Матка, Демир Капија, Остра Карпа и Солунска Глава. Карактерот на уредувањата ќе биде различен во секој од локалитетите. Пред почетокот на летото главните активности ќе бидат насочени кон  Солунска Глава, за да се прилагоди карпата за качување на почетници.

На состанокот беше донесен заклучок да се продолжи со работа во рамките на алпинистичкото училиште организирано од МАА според програма која ќе одговара на степенот на подготвеност на кандидатите и поставената цел за ова лето, а тоа е оспособување на алпинистите почетници за качување „како втори“ во првенствени насоки и во недоволно уредени алпинистички локалитети.

Во врска со организациската структура на алпинистичката асоцијација завземен е став да се придржуваме кон препораките и заклучоците усвоени на состанокот на преставниците на спортовите во ФПСМ, за дефинирање на организациската структура во секој спорт согласно со одредбите од Законот за спорт.

Наредниот состанок на УО на МАА ќе се одржи за време на алпинистичкиот собир на Остра Карпа, на Селечка Планина крај Прилеп.

Состаноци на Асоцијацијата

17.03.2007

Од работниот состанок на Македонската Алпинистичка Асоцијација одржан на 17.03.2007 година со почеток во 19 часот. На состанокот активно учествуваа со свои сугестии и предлози сите присутни на алпинистичкиот собир, додека право на одлучување имаа само легитимните претставници на алпинистичките секции, клубови , друштва кои работат според Правилникот за работа на МАА и во изминатиот период биле присутни на собирите и акциите организирани од МАА. Нивни претставници беа:

1.         АСКК “Џ-Цхалленге”-ДПС „Лисец”, Штип – Бобан Стојанов

2.         СПД “Магаро”, Охрид – Антонио Додевски

3.         АД „Матка”,Скопје – Костантин Циривири

4.         ПОД „Венец”, Св.Николе – Борче Манев

5.         ПК „Љуботен”, Тетово – Мирослав Ристовски

6.         ПАОК „Бел Камен”, Радовиш - Зоран Мајсторски

7.         АК „Вертикал”, Битола – Марјан Кузмановски

Не присуствуваа претставниците на АК „Стенае”, Неготино и АК „Еделвајс”, Струмица, додека претставникот на АК „К2”,Скопје” немаше писмена потврда заверена од клубот.

Состанокот се одвиваше по следниот дневен ред:

1.         Финансиски извештај за 2006 година.

2.         Реализирани и нереализирани активности во 2006 година и причини за тоа.

3.         Предлог измени на Правилникот за работа на МАА.

4.         Предлог програма за работа за 2007 година.

5.         Однос и соработка на релација секции-МАА и МАА-секции.

6.         Разно.

 

По прва точка беше поднесен финансиски извештај со образложение за начинот на кој се потрошени средствата и точниот датум кога се потрошени. Забелешки немаше.

По втора точка беше дискутирано за реализираните и нереализираните собири, акции и активности кои беа планирани во 2006 година. Посебно беше дискутирано за нереализираната кадровска акција на Маљовица, Р.Бугарија, и покрај трите реализирани селективни собири. Околу оваа акција свое излагање имаше и Дарио Милошевиќ, кој беше назначен за раководител на акцијата. Предвидено е уредувањето на локалитетите планирано за 2006 година да се заврши во 2007 година, а за да нема повеќе пропаднати акции во иднина прецизно да се одредуваат датумите и критериумите за главните акции како и за селективните собири.

Третата точка беше оставена за крај за да можат сите добро да ги разгледаат предложените измени на Правилникот за работа на МАА.

 По четвртата точка се разви дискусуја околу преминувањето на комплетната алпинистичка едукација и обука од МАА во ЦСО при ФПСМ. Иако ова веќе функционира на дело, повторно беше образложено од страна на Костантин Циривири за сите поволности и придобивки од ЦСО. По дискусијата, имаше гласање и со 6 гласа „ЗА”, 0 гласа „ПРОТИВ”, и 1 глас „ВОЗДРЖАН” (воздржан беше Марјан Кузмановски) беше усвоено комплетно преминување на алпинистичката едукација и обука во ЦСО при ФПСМ.

По ова Дарио Милошевиќ даде неотповиклива оставка од функцијата Главен инструктор на МАА која ја извршуваше заедно со Игор Талевски.

Усвоена е следната програна за 2007 година:

Програма на МАА за 2007 година
Активности во РМ

масец        

локалитет активност

април

Плоча, Радовиш

Алпинистички собир; организиран од ПАОК „Бел Камен”, Радовиш.

мај

Матка

Меморијален алпинистички собир Васил Франговски; АД”Матка”, Скопје.

јуни

ЗлиДол, Охрид Остра Карпа, Прилеп

Уредување алпинистички насоки; СПД “Магаро”, Охрид.Алп. собир, качување на насоки по сопствен избор.

јули

 Солунска Глава

Алпинистички собир.

август

 Солунска Глава  Алпинистички собир.

септември

 Демир Капија Алпинистички собир, качување на насоки по сопствен избор.

октомври

 Остра Карпа, Пролеп Алпинистички собир, качување на насоки по сопствен избор.

ноември

 Матка Алпинистички собир, качување на насоки по сопствен избор.

декември

 Лешница  Зимски алпинистички собир, качување на мраз.

јануари

 Патичка Река  Зимски алпинистички собир, качување на мраз.

февруари 

 Пелистер Зимски алпинистички собир
 

Активности во странство

мај

 Враца, Р.Бугарија Меѓународен алпинистички собир.

јули-август

 Маљовица, Р.Бугарија  Кадровска акција на МАА.

септември

 Враца, Р.Бугарија  Меѓународен алпинистички собир.
 

ЗАБЕЛЕШКА: Точниот датум на одржување на секој собир ќе биде дополнително утврден.


Алпинистичките собири со наставна содржина ќе бидат организирани од ЦСО, за што ќе добиеме дополнителна програма.

По петтата точка беше дискутирано за претставката за работата на ЦСО и МАА испратена до претседателот на ФПСМ. Договорено е во иднина за сите проблеми и недоразбирања кои ќе се појават кај секциите, најпрво да се обратат кај раководството на МАА, а не да ја заобиколуваат асоцијацијата.

По шеста точка беше расправано по неколку предлози.

Костантин Циривири предложи регулатива:

Право на одлучување во целокупната работа на Македонската Алпинистичка Асоцијација ќе има онаа алпинистичка секција, клуб, друштво кое ќе пријави најмалку 5 (пет) члена кои ќе имаат алпинистички легитимации и кои ќе присуствуваат на најмалку 50% од собирите и акциите организирани од МАА.

Оваа регулатива беше едногласно усвоена со 7 гласа „ЗА” и 0 гласа „ПРОТИВ”.

Антонио Додевски даде два предлога:

1. Евиденцијата на активноста на алпинистите за време на собирите да се прави со Пријава за присуство на собир, која секој учесник ќе ја добива на почетокот на собирот и во неа ќе ги евидентира насоките како и останатите активности за време на собирот и на крајот од собирот пријавата ќе ја предаде во МАА.

Ова ќе се практикува од следниот собир на МАА.

2. За да нема забуни со лепењето на маркиците за платена членарина во ФПСМ на легитимации од различни асоцијации, да се изработуваат по повеќе маркици (по 5, за секој спорт) кои ќе бидат со ист евиденциски број. Овој предлог ќе биде изнесен пред претседателството на ФПСМ.

За уредувањето на локалитетите, Костантин Циривири предложи за секој локалитет да се пријави по еден доброволец кој ќе ја превземе одговорноста да направи план, да состави работна група и да го реализира уредувањето на локалитетот.

Тој самиот се го превзеде уредувањето на Матка, Зоран Мајсторски е задолжен за Демир Капија, додека за Солунска Глава треба да се задолжи алпинист најдоцна до мај 2007 година.

 

По третата точка беа едногласно усвоена со 7 гласа „ЗА” и 0 гласа „ПРОТИВ” следните измени на Правилникот за работа на МАА:

2. РАБОТНИ ТЕЛА НА МАА

(цела точка, измените се подвлечени)

Работни тела на МАА се:

•           Претседател – кој раководи со МАА и ги организира нејзините активности. Претседателот ја претставува МАА.

•           Стручен Совет – го сочинуваат 5 (пет) стручни советници кои му помагаат на претседателот во надгледувањето, организацијата и реализацијата на стручните работи во МАА. По барање на претседателот ја претставуваат асоцијацијата.

•           Собир на претставници од Алпинистичките Секции – го сочинуваат по еден претставник од сите активни Алпинистички Секции, Клубови, Друштва (по можност раководителите) кои работат спорет Правилникот за Работа на МАА. На состаноците на Собирот може да учествуваат повеќе претставници на Алпинистичките Секции, Клубови, Друштва, да учествуваат во расправата и да даваат предлози и сугестии, но без право на глас.

Мандатот на Претседателот и Стручниот Совет изнесува четири години, со право на реизбор. Претседателот и Стручниот Совет ги избира Собирот.

За регулирање на одредени активности на МАА, зависно од потребите, се формираат комисии. Нивниот мандат и ингеренции се регулираат со упатство за нивна работа. Овие комисии ги одредува Претседателот заедно со Стручниот Совет, а за одлуката мора да го известат Собирот.

3.АЛПИНИСТИЧКИ СЕКЦИИ, КЛУБОВИ, ДРУШТВА

(нова ставка)

На крај на годината секоја секција, клуб, друштво е должно да достави до МАА извештај за реализираните активности во изминатата година.

4.1. Алпинист курсист

(последна реченица)

Во други случаи се полага пред комисија на МАА. Составот на комисијата го одредува одговорното лице во ЦСО при ФПСМ.

4.2. Помлад Алпинист

(последна реченица)

Составот на комисијата го одредува одговорното лице во ЦСО.

4.3. Алпинист

(последна реченица)

Составот на комисијата го одредува одговорното лице во ЦСО.

4.4. Инструктор по алпинизам

(последна реченица)

Составот на комисијата го одредува одговорното лице во ЦСО.

4.5. Инструктор-Алпинистички Водач

(последна реченица)

Составот на комисијата го одредува одговорното лице во ЦСО.

5. Алпинистички испити

(четврта ставка измени)

Составот на испитната комисија го одредува одговорното лице во ЦСО. Испитната комисија е составена од три члена, од кои најмалку еден е носител на назив Инструктор по Алпинизам или повисок, а останатите двајца се       носители на назив Алпинист или повисок.

(нова ставка)

Кандидатот за полагање надоместува дел од трошоците за спроведување на испитот, а паричниот износ на тој дел го одредува одговорното лице во ЦСО.

(нова ставка)

Заради одржување на локалитетите и зголемување на безбедноста вокачувањето секој кандидат задолжително е да исчисти една од постоечките насоки на локалитетот каде се спроведува полагањето и да направи проверка на клиновите со репозиција и замена на дотрајаните и несигурни клинови. За кандидатите за назив Курсист и Помлад Алпинист тоа ќе го прават со помош и надзор на Алпинист.

8. Алпинистички акции

(нова ставка – вметната како петта)

МАА во рамките на своите можности организира акции од државен карактер и надвор од нашата земја. Изборот на учесници ќе се врши на најмалку два Алпинистички собири кои ќе се организираат во нашите локалитети според критериуми кои однапред ги утврдуваат Претседателот и Стручниот Совет. На истите собири се одредува и Раководител на Акцијата кој е должен да води Дневник на активности за целата акција и по завршувањето на акцијата да поднесе Извештај за реализирани активности и финансиски трошоци.

По изгласаните измени беа предложени членови на стручниот совет. Предложени се: Костантин Циривири, Зоран Мајсторски, Горан Кузмановски (кој не присуствуваше на состанокот и ќе биде известен од претставникот на АК”Вертикал”, Битола), Бојан Митковски и Бобан Стојанов. Предложени беа и Игор Талевски и Дарио Милошивиќ кои самите не прифатија да бидат членови на советот.

Конечниот состав на Стручниот совет на МАА ќе биде утврден на следниот собир на МАА кој ќе се одржи на Плоча, Радовиш на 13-15.04.2007 година.

Македонска Алпинистичка Асоцијација